• CNT sindikatuak ostegun honetan Euskal Autonomia Erkidegoan eta Nafarroako Foru Erkidegoan pentsio, lan eta bizitza duinak eskatzeko mobilizatu diren milaka lagunak agurtu ditu.
• "Grebak, langile klasearen funtsezko tresnak, aldarrikapen horiek mahai gainean jarri ditu berriro ere, eta batasunaren bidez soilik helburu horiek lortzeko pausoak eman ahal izango ditugula gogorarazteko balio izan du", adierazi du zentral anarkosindikalistak.

Sindikatuak -grebaren deitzaileetariko bat- gaur arratsaldean jakitera eman duen premiazko balorazio batean azpimarratu duenez, “Duintasunaren aldeko borroka ezin da gaur amaitu, ezta egun bateko mobilizaziora mugatu ere”. “Horrela erakusten ari da pentsiodunen marea, bi urte kalean daramatzana, eta horrela erakutsi behar dugu erakunde sindikalek”, azpimarratu du.

Testuinguru horretan, lan, pentsio eta bizitza duinaren aldeko mobilizazioen kanpaina “mantentzera eta zabaltzera” deitu du CNTk, eta, aldi berean, ohartarazi du kontzertazioaren eta elkarrizketa sozialaren bidea “kosta ahala kosta ezer aldatzea saihestu nahi dutenen errezeta faltsuak” baino ez direla. "Kontuz promesekin eta engainuekin: hemen jada ez dute konponketa merkeek balio”, adierazi du zentralak. Hain zuzen ere, erakundeetatik “gatazka desaktibatu edo moketa duten aretoetara eramango” dutenen aurrean erne egoteko deia egin du.

Era berean, pentsiodunen mugimenduaren izaera “autonomoa eta zeharkakoa” nabarmendu du sindikatuak. "Banderarik eta partidarik gabeko zuen borrokak erakusten digu herriak soilik salbatzen duela herria", esan du CNTk.

Azkenik, CCOO eta UGT sindikatuek orain arte egindako lana deitoratu du, eta “zein aldetan dauden publikoki esatea” eskatu die. “Batez ere, gezurrak botatzeari uzteko eskatzen diegu, euren lotsak ezkutatzeko”, gaineratu du erakundeak.

• Gero eta gertuago dago U30 hau, eta grebaren aurka daudenek grebaren aurkako erasoak areagotu egiten dituzte, hura mintzeko asmoz.
• CCOOk eta UGTk ahaztu egin dute mahai gainean jarri diren auzien aurrean mugimendu sindikalak duen erantzukizuna. Pentsiodunek enplegurik ez izan arren, langile klase izaten jarraitzen dutela ere ahaztu dute.

Greba "nazionalista" dela kritikatu izan da, guztiz faltsua dena. Nahikoa da azaroaren 26an Bilbon emandako prentsaurrekoan esandakoa errepasatzea. Era berean, nabarmentzekoa da estatu osoan egitearen ardura ez dela ELA eta LABena, haren esparrua Euskal Herria baita, CCOO eta UGTrena baizik.

Bi sindikatuek, ordea, ez dute halakorik egin nahi izan. Gainera, greba honek langile klasea zatitzen duela esan da: dirudienez, CCOOrekin eta UGTrekin ez bazaude, "zatiketa" da, guztiz zitala.

Halaber, sektore jakin batzuetatik esan dute greba honek pentsiodunen mugimendua zatitu duela, eta hori, berriz ere, gezurra da. Beti egon dira ikuspegi ezberdinak mugimendu horretan, eta ados ez daudenak publikoki adierazi dira. Edonola ere, ez dugu ahaztu behar pentsiodunen mugimenduak erabaki zuela greba hau egitea. Mugimendu horrek kohesionatuta jarraitzen du, eta, izatez, gero eta pentsiodun gehiago mobilizatzen dira.

2019ko uda baino lehen, pentsiodunen mugimenduak sindikatuekin harremanetan jarri zen, eta inork (CCOO barne) ez zion greba orokorrari uko egin. Izan ere, CNTk 24 orduko lanuztetik haratago joateko eta estatu osoan egiteko aukera planteatu zuen.

Espainiako gobernu berriari aukera bat emateaz ere hitz egiten da. Noiztik makurtu behar du mugimendu sindikalak gobernu batek esaten duenera? Gobernuak egin dezala egin behar duela uste duena, baina mugimendu sindikala ez da inoiz gobernu batek esaten duenaren menpe egon behar. Eta are gutxiago Confebaskekin eta Iñigo Urkullurekin argumentuetan bat etortzea.

Horregatik guztiagatik, urtarrilaren 30ean greba egiteko arrazoiak soberan daudela esan du CNTk.

• CNTk dei egiten du hilaren 30eko greban masiboki parte hartzera.
• "Azaroko prentsaurrekoaren eta grebaren legeztatzearen artean, lehen ez zegoen puntu bat sartu da", argitu du erakunde anarkosindikalistak.

•  Urtero moduan, presoen alde SAREk antolatzen duen manifestazioan parte hartzeko deia egiten du CNTk
• "Espetxe politika aldatzea exigitzen diegu Espainiar Erresumako gobernu berriari", esan du erakunde anarkosindikalistak.

• 2020ko urtarrilaren 30ean, hainbat erakundek, tartean CNTk, greba orokorra egingo dute pentsio publiko duinen alde.
• "Bat egiten ez duten sindikatuei dei egiten diegu hausnarketa egin dezaten,  greba deituz", esan du erakunde anarkosindikalistak.

• Plantillaren eskubideen aldeko borrokan urrats berriak Lombiden. CNT sindikatuak iragarri du beste salaketa bat jarriko duela Portugaleten dagoen garbiketa enpresa horren aurka, atal sindikaleko prebentzio ordezkariaren aurka "oinarrizko eskubideak urratzeagatik eta diskriminazioagatik".
• CNTk gogorarazi du bi aldeek hilabete osoan ordutegi erregistroa egiteko akordioa lortu zutela. Emaitzak langileari arrazoia ematen ziola egiaztatu ondoren, Lombidek "ez zuen bere hitza bete, eta uko egin zion adostutakoa egiteari".