CNT sindikatuak aste honetan Gipuzkoan metalgintzako lan-hitzarmenaren alde egingo diren mobilizazioetan parte hartzeko deitu du. “LAB, ESK, CCOO eta UGT sindikatuen deialdiekin bat egiten dugu. Langile normal eta arrunt baten ustez, Elaren estrategia, soilik grebara deitzea lan-hitzarmenik sinatu ez duten enpresetan, zentzugabea delako”, erakunde anarkosindikalistak nabarmendu du.

Mila pertsona inguruk, larunbat honetan, Ezkerraldean hemeretzigarren urtez, langabeziaren eta gastu militarren aurkako martxan parte hartu dute. CNTk esku hartu duen protestaldian, konbokatzaileek 23.000 mila lagun lanik gabe daudela salatu dute, ia langabezi tasa %24.

Duela gutxi, 24 orduko lanuztea izan dugu. CNTk, honen aurrean, mugagabeko greba orokorra defenditu du. Jakin badakigu halako deialdia egiteko aurretiko prestakuntza eta langileen arteko benetako batasuna beharrezkoak direla, eta sindikatu “ofizialek” hori ere ez dute planteatu. Hori dela eta, gero eta zailagoa da edo, behintzat, sinesgaitza, deialdiaren posibilitatea.

Frankismoaren aurkako kereilen aldeko Euskal Plataformak (CNT honen partaidea da) Bilbon ekainaren 15an egingo den manifestaziora deitu du. Honetan frankismoaren zigorgabetasunaren amaiera exijitu egingo da. Mobilizazioa Bilboko plaza eliptikotik, arratsaldeko 18:00etan, aterako da.

Datorren larunbatean, ekainaren 8an, CNTk "Espetxeen aurkako pentsamenduari" buruzko hitzaldia antolatuko du, Manolo Ledesma, Salhaketa kolektiboko kideak aurkeztuta. Ekitaldia 18:30etan izango da, Tafallako gazteriaren etxean.