Mediapost-en kaleraketen aurkako Nazioarteko Borroka Astea

“Langileriaren aurkako errepresioak mugarik ez badu, elkartasunak eta ekintza zuzenak ere ez dituzte mugarik izango”. Honela adierazi da CNT, Mediaposten (La Poste talde frantsesaren filiala) kaleraketen aurkako nazioarteko borroka asteko deialdia iragarri duenean.

Konpainiak dituen sukurtsal desberdinetara beren eskakizunak eramango ditu erakunde anarkosindikalistak. CNTk adierazi duen bezala, kanpaina maiatzaren 12tik 17ra (astelehenetik larunbatera) bitartean burutuko da eta “hainbat salaketa ekintza” bilduko ditu. Ekintza hauetan AIT (Langileen Nazioarteko Elkartea) elkarteko kide diren sindikatuek -CNT bezala- parte hartuko dute.

“Urte batera iristen ez den epean, zazpi lankide jada kaleratuak izan dira eta beste hainbestek enpresako etengabeko erasoa jasaten ari dira. Beren eskubideengatik borrokan dabiltzan langileak kendu nahi ditu enpresak”, azpimarratu du sindikatuak. “Langileen aurkako praktikekin jarraitzea ez dugu onartuko; honek jarraitzen duen bitartean, aurrean izango gaituzte”, gehitu du.

Testuinguru honetan, CNTk salatu du “Mediapost hedatze prozesuan dagoen eta irabaziak dituen enpresa bat dela eta lan erreformaz baliatzen ari dela esplotazio baldintzak ezartzeko”.

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.