Pandak langileen artean beldurra zabaltzen du greba saihesteko

Print

CNTk salatu du informatika-gaien Panda Security multinazionalak, egun hauetan egingo diren mobilizazioak saihesteko, langileen artean “beldurra zabaldu” nahi duela. “Askotan gertatzen den moduan, patronala “shock doktrinaz” baliatzen da lan aldarrikapenak gelditzeko”, erakunde anarkosindikalistak nabarmendu du.

Asteazken honetan langileak Diego Navarrete enpresako zuzendariarekin bildu dira. Honekin Pandako Giza Baliabideetako eta Arlo Ekonomikoko buruzagiak etorri dira. Enpresa honetan mobilizaziorako deialdia egin zen (lanuzte osoa 17 eta 19an eta 23tik aurrera aste beteko greba) arduradunek langileei zor dieten antzinatasun osagarria ordaintzeko. Mobilizazioetara deitu ondoren, bilera egin da.

“Nahiz eta erreklamazioak Auzitegi Gorenaren aldeko epaia izan, Pandako abokatuek epaiaren irakurketa zakarra egin dute konpentsazio osoa ez ordaintzeko”, multinazional honetako CNTko sekzio sindikalak esan duen moduan.

Sindikatu honen irizpideen arabera, “behin eta berriro egiaztatuta dago enpresako presidentearen edo zuzendariaren izena berdin dela: argi eta garbi dagoena da patronala, izena edo jaioterria zeinahi ere den, beti, mozkinak gehitzeko, gure eskubideak urratzen saiatuko dela”.

“Asteazken honetako bileran -CNTk azpimarratu du-, Pandako presidenteak langileei esan zien lanera itzuli behar zutela, bestela, egunez egun, bere lehiakideek aurrera egingo dutela”. “Jendea desmobilizatzea eta protestetan parte ez hartzea nahi dute baina gure esku dago galaraztea”, nabarmendu du sindikatuak.

Testuinguru honetan, erakunde anarkosindikalistak biharko lanuztean parte hartzera deitu du eta azpimarratu du “zuzendaritzarekin pultsua izango dela”. “Erantzukizunak hartu beharrean goiko zuzendarien soldatak murriztuz, guk sortu ez dugun krisialdia ordaintzea nahi dute”, nabarmendu du CNTk.

Copyright 2012. http://www.cnt-sindikatua.org