M-30: CNTk “beste leku batera begira daudenekin solidarioak ez izateko” deitzen du

Print

CNT sindikatuak, langile guztiok, ostegun honetan, maiatzak 30, egingo den greba orokorrean parte hartzeko deitu du. “Badakigu egon behar izango diren sindikatu guztiak ez direla izango, baita 24 orduko lanuztea ere ez dela nahikoa bizi garen egoera larriari aurre egiteko. Dena den, beste aukera bat da patronalaren eta gobernuen erasoei erantzuteko”.

Halaber, erakunde anarkosindikalistak nabarmendu du “merkataritza txikiak eta ostalaritzak langileriaren eskubideen galerak ere jasan behar ditu”. “Hori dela eta -gaineratu du-, greba orokorrean parte hartzeko deitzen diegu eta, modu horretan, borroka egun honetan parte hartzen duten guztiekin bat egiteko”. “Gaur egungo egoerari aurre egiteko, beharrezkoa da greba pertsiana itxien sekulako erakustaldi bihurtzea”, azpimarratu du.

Zentzu horretan, CNTren ustez langileriak “ez du solidarioa izan behar beste leku batera begira daudenekin haien auzokideek krisien ondorio izugarriak pairatzen dituztenean”.  “Ez dugu solidarioak izan behar gurekin modu berean aritzen ez direnekin”, azpimarratu du.