Panda Security enpresan mespretxu eta kaleratzeak jarraitzen dira

Print

Panda Security dagoen CNTko sekzio sindikalak, berriz, enpresa honetako langileek jasan behar duten egoera larria, salatu du. “‘Urte mariano’” berri bat hasi da eta, ematen du, konpainia honen helburua kaleratzen jarraitzea dela,  bere ohiko despota-jarrerak erabiliz”, azpimarratu du.

Erakunde anarkosindikalistaren arabera, Pandak “aspalditik botatze-dokumentu bera erabiltzen du, bakarrik kaleratu duen pertsonaren izena eta data aldatzen du”. Gainera, nabarmentzen du, dokumentu horretan aipatzen dela “asmo txarreko errendimendu eskasa eta jarraitua, kontratuzko fede onaren aurkako joanez”. “Asmo txarrari buruz hitz egiten dute, politikoek egiten duten bezala zerga-iruzurren kontra mintzatzen direnean eta, aldi berean, Suitzan kontu korrenteak izaten dituzte”, gaineratzen du.

Zentzu horretan, CNTk azpimarratzen du “azken asteetan pertsona batzuk kaleratu dituztela. Inoiz amaitzen ez den tanta-jarioa da: hilero kaleratze batzuk lotu daitezke eta horrela, gutxienez, zortzi urteraino atzera egin ahal da”.

Arrazoi hauengatik, azken bi asteetan sindikatu hau Pandak Bilbon duen egoitzaren aurrean bildu da, salatzeko, berriz, enpresa honen gehiegikeriak. “Azken kontzentrazioan CNTko eta LABeko sekzio sindikalek, lankide askok eta Enpresa-Batzordeak parte hartu zuten”.

Halaber, erakunde anarkosindikalak Panda Security enpresan lan egiten duten lankideei kontzentrazioetan parte hartzera gonbit egiten die. “Elkartasuna haiei aurre egiteko balio izango dela espero dugu, langileok demandatu ahal duten lanuzte, greba edo beste ekintzen bidez”. “Sindikatu hau, kaltetuen eskura dago behar dutenerako; era berean, beraien eskubideak defendatu nahi dituztenei Panda Security dagoen CNTko Sekzio Sindikalaren barruan egitera gonbidatzen diegu”, gaineratu du.

Copyright 2012. http://www.cnt-sindikatua.org