Langabezia, prekarietatea, murrizketa eta kaleratzeen aurkako elkarretaratzea Ezkerraldean

Print


  • CNT, hilaren 9an, hainbat erakunde sindikal eta sozialekin batera elkarretaratzea egingo du Barakaldon.
  • Leloa "Guztientzat den Barakaldo baten alde" izango da.

Goizeko 10:30retan Barakaldoko Justizia Auzitegiaren aurrean elkarretaratzea egingo da (Bide Onera Plaza). "Amaia Egañak orain dela 5 urte beren buruaz beste egin zuen, beren etxetik kaleratzear zegoela", gogorarazi du erakunde sindikalak. "Urteurren honetan prekarietatea, pobrezia, murrizketak eta etxe-kaleratzeak salatu nahi ditugu", esan du CNTk, "murrizketen lehenengo biktima izan baitzen".

Erakunde anarkosindikalistaren arabera, "La Naval, CEL, General Electric... enpresa handiak ixten ari dira; langabezian daudenen %71k ez du inolako diru-laguntzarik jasotzen eta astero 4 familia etxetik kaleratzen dituzte". Egoera larri honen aurrean, "Udal Gobernuaren politika murrizketa gehiago aplikatzea eta jendea kalean uztea da", azpimarratu du CNTk.

Hau dela eta Barakaldon azaroaren 9an egingo den elkarretaratzera parte hartzera deia zabaldu du.

Copyright 2012. http://www.cnt-sindikatua.org