Maiatzak 13 eta 14, XIII. Liburu anarkistaren azoka Bilbon

Maiatzak 13 eta 14, Bilboko Azaroaren 25eko Plazan –Bailen kalearen ondoan eta FEVE geltokiaren aurrean- XIII. Liburu Anarkistaren Azoka egingo da eta berriro hiri honetara liburu libertario asko ekarriko dira. “Aukera paregabea da anarkismoak, gizarte libre bat lortzeko, eskaintzen dituen proposamen eta alternatibak ezagutzeko” nabarmendu du erakunde anarkosindikalistak.

Azoka karpa estalki batean egingo da eta han argitaletxe batzuk egongo dira. Han bertan ere, CNT eta UGTk deitutako 1917ko Greba Orokor Iraultzailearen programaren kopiak banatuko dira.

“Uste dugu garrantzitsua dela borrokan lehenago egon ziren langileen helburuak ezagutzea”, azpimarratu du erakunde anarkosindikalistak. Ildo horretan, nabarmendu du “bizi garen garaietan, nahiz eta aldaketak gizartea hobetzeko ezinezkoak eman, ideia hauek bizirik daudela”. “Hori dela eta, borrokalari haiek, orain dela 100 urte eskatzen zutena, berriro jakitera ematen dugu. Berdintasunezko eta bidezko gizartea lortzea posiblea delako, baina sinetsi behar dugu. Hori da lehenengo pausua”, esan du.

Halaber, Liburu Anarkistaren Azokan hitzaldi batzuk egingo dira. Larunbatean, hilaren 13an, eguerdiko 12:00etan “La España Rojinegra. La insurrección anarquista de diciembre de 1933” Fermin Escribanok idatzitako liburuaren aurkezpena izango da. Arratsaldeko 17:00etan “Durruti en la revolución española” berrargitalpenari buruzko hitzaldia egingo da eta Jose Luis Gutierrez Molinak parte hartuko du. Egun horretan bertan, 18:30etan, Sonia Turonek “Mujeres Libres, dos simples palabras para una revolución” gaiari buruz hitz egingo du.

Igandean, eguerdiko 12:00etan, CNTko militante historikoa izan zen Felix Padinen bizitzari buruzko liburuaren aurkezpena egingo da: “Memoria de un anarquista bilbaíno”. Egileetako bat den Jose Ignacio Orejasek, liburua aurkeztuko du. Jarraian, eguerdiko 13:30etan, Josekrust idazleak bere poema-bilduma “Zona Espacial Norte” aurkeztuko du.

Postuak irekita egongo dira larunbatean goizeko 10:30etatik arratsaldeko 20:00etara eta igandean 10:30etatik 15:00ra.

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.